ПОВЕЌЕ Е БЛАГОСЛОВЕН ТОЈ ШТО ДАВА ОТКОЛКУ ТОЈ ШТО ПРИМА

Еден млад студент тргнал на прошетка со својот професор. Додека шетале и разговарале, на другата страна на патот здогледале еден пар стари чевли кои по изгледот му припаѓале на сиромашниот селанец кој работел во близината на својата нива и веќе ја привршувал својата работа.

Студентот му рекол на професорот: „Да одиме и да се пошегуваме со овој селанецот. Да му ги скриеме чевлите па да се скриеме позади грмушките и да посматраме што ќе се случи додека ги бара.“

Професорот му одговорил: „Дечко, никогаш не се шегувај на сметка на туѓата невоља и беда. Но, бидејќи си богат, можеш од ова да си дозволиш на себе големо задоволство. Стави по една златна паричка во секоја чевла, а потоа да се скриеме позади грмушките и да ја посматраме неговата реакција.“

Студентот тоа и го направил и двајцата се скриле позади една грмушка во близина. Селанецот завршил со својата работа и доаѓал од нивата до местото каде ги оставил своите алишта и своите чевли.

Додека ги облекувал алиштата, едната нога ја ставил во чевлата и почувствувал дека има нешто во неа. Прво помислил дека тоа е каменче, но брзо сватил дека тоа е златна паричка. Многу изненаден погледнал во златникот, се свртел околу себе, а потоа замислено го посматрал некое време. повторно се вртел наоколу, меѓутоа не видел никој. Го ставил златникот во џебот и тргнал да ја облекува и другата чевла. На свое изненадување, и во неа пронашол златник. Оддеднаш го совладале емоциите, паднал на колена, ја подигнал главата кон небото и започнал со молитва во знак на благодарност. Во својата молитва ја споменувал својата тешко болна безпомошна жена, своите деца кои немаат леб за јадење, а сега и се заблагодарува на раката која му ги пратила златниците со кои конечно ќе бидат спасени.

Студентот стоел длабоко потресен и со солзи во очите.

Професорот го прашал: „Да се пошегувавме со него, како што ти мислеше, дали тоа ќе те направеше среќен од сето тоа сега?“

Младиот студент одговорил: „Професоре, ми дадовте лекција која никогаш нема да ја заборавам! Сега навистина ги разбирам зборовите кои претходно не ги разбрав: Повеќе е благословен тој што дава отколку тој што прима.“

Затоа кога можеш направи добро дело, не жали поради тоа. Само следи го патот на вистинските вредности.

Текстови од истата категорија:

Welcome to NetMkd!

Be the first to comment

Leave a Reply

Read more:
Осумте лаги на мојата мајка

Мојата мајка не ја говореше секогаш вистината. Ме има излажано осум пати во важни животни моменти! Приказната почнува со мојот...

Close