Да прелее

Натопи ја душата
во прегратки и бакнежи,
да омекне од крутоста секојдневна.
Да омекне од штиракот
секој ден што ја полева,
направен од стравот
од оние што со болки ја боцкаат,
ја парчосуваат како ветерот
пајажина кога кине.
Натопи ја, ќе омекне,
и потоа со љубов наполни ја,
да прелее како чаша вода
кога ќе прелее.
Остави ја да прелева
додека тагата не се излее
и само чиста љубов да остане.
Онаква чиста како од извор вода
на највисока планина што извира
и да ја гасне и твојата и жедта
на таквите како тебе.
А да ги брка оние
зли јазици како огнови најжешки
што пустош прават на души невини.

About the author: Kolevi. Mk

Секое семејство има своја приказна. Ова е нашата.

Comments & Your reaction to the content

Come and join to kolevi.mk!!!

Comments

No comments yet
Read more:
ЗВУКОТ НА ТИШИНАТА

ЗВУКОТ НА ТИШИНАТА Како пак да го слушам триесетсептемврискиот звук на тишината.Убав и моќен е како во песната на Сајмон...

Close